Gürcüstanın sabiq prezidenti Mixail Saakaşvili Azərbaycan Prezidenti İlham Əliyevlə bağlı Feysbuk səhifəsində paylaşım edib.

Mis.az xəbər verir ki, Saakaşvili Əliyevin Rusiya ilə münasibətlərdə tutduğu mövqeyə diqqət çəkib və bu siyasəti yüksək qiymətləndirib.

“Əslində İlham Əliyev Rusiya ilə münasibətlərdə bütün Qafqazın şərəfini qorudu və hamıya nümunə oldu. Təsadüfi deyil ki, əvvəllər Qərbdə Azərbaycanla məsafə saxlayanlar indi ölkə prezidentinə ehtiramlarını bildirmək üçün növbəyə düzülürlər”, - deyə sabiq prezident yazıb.